26. august 2022
Skúlagongdin kom væl í gongd
Nýggju alilærlingar
Nú hava vit havt skúlagongd á Miðnámi í Vestmanna í tvær vikur, og vit eru komin væl í gongd.
Umframt miðnámsflokkarnar á Tilfeingisbreytini og ferðaleiðaraskeiðið er nýggja aliútbúgvingin farin av bakkastokki.
9 alilærlingar eru byrjaðir, og teir koma at hava sína dagligu gongd á Miðnámi fram til januar 2023, tá ið tey fara út á læruplássini at nema sær verkligan kunnleika, áðrenn teir koma aftur í skúla í januar 2024.
Lærlingarnir hava allir fingið lærusáttmála á einari av teimum trimum alifyritøkunum Mowi, Luna og Bakkafrost.
