24. apríl 2023

Váreksursión Mýrarnar

Í góðveðrinum herfyri fór 1. MIV á eina minni ekskursión til vátlendið Mýrarnar. Gingið varð runt um vatnið uppi á Mýrunum. À túrinum vóru eygleiðingar gjørdar av náttúruni. Sjálvt um tað varð tíðliga, so vóru fleiri fuglsløg sædd. Tilsamans 9 ymisk fuglasløg vóru skrásett við appini eBird.

Eisini vóru nógv plantu- og skordýrasløg eygleidd og mínsann um ein torva av kombikkum ikki smeyg sær avstað i einum av teimum mongu tjørnunum, sum eru á Mýrunum. Hetta er tíðin, tá ið kombikka-hannurin byggir sær reiður og lokkar honirnar at gýta í reiðrið, og tað var akkurát tað, sum vit sóu.

Á vegnum var ymiskt burturkast heintað og tikið við heim. Serliga var talan um plastiklutir av ymiskum slag. Komin runt um vatnið, var skúladagurin liðugur og tíð var at fara omanaftur á skúlan eina uppliving ríkari. Næmingarnir arbeiddu við eini uppgávu um vátlendi og týdning teirra, sum ein CO2 goymsla og ávirkanin, sum virksemi hjá menniskjum hevur á slík náttúruøki.

Lærarar á túrinum vóru William Simonsen og Fróði Skúvadal.