Kundi tú hugsað tær at tikið ferðaleiðaraskeið? So er nú møguligt at søkja um upptøku.

Endamálið við skeiðnum er, at lesandi eftir lokið skeið skulu kunna virka sjálvstøðugt sum ferðaleiðarar og kunna luttaka í tvørfakligum samstarvi.

Skeiðið byrjar í august og endar í mai/juni. Undirvísingin fer fram á Miðnámi í Vestmanna eitt kvøld um vikuna, meðan útferðir og vitjanir verða skipaðar í vikuskiftum. Næmingar hava møtiskyldu, og skeiðið endar við skrivligari verkætlan og munnligari próvtøku.

Les meira um ferðaleiðaraskeiðið her.

Innskrivingin fer fram á innskriving.fo

Seinasta freist at søkja um upptøku er 28. juni 2023.

 

Fyrst í mai vóru 1. árs næmingarnir og vitjaðu garðin Vatnaskarðar í tilfeingistímunum.

Siggert Patursson, sum eigur garðin, greiddi frá og vísti runt.

Flokkurin hevur skrivað áhugaverda frágreiðing frá túrinum, sum kann lesast her.

 

Hevur tú áhuga fyri náttúruni, umhvørvinum og burðardyggari gagnnýtslu av náttúruríkidøminum, so er Tilfeingisbreytin allarhelst nakað fyri teg. Vit hava nøkur pláss tøk til útbúgvingina, sum byrjar
14. august 2023.
Tú kanst lesa meira um útbúgvingina á miv.fo.
Ynskir tú at søkja um upptøku ella hevur tú spurningar, kanst tú ringja til okkum á tlf. 424 573 ella senda ein teldupost til Denne e-mail adresse bliver beskyttet mod spambots. Du skal have JavaScript aktiveret for at vise den.. So vegleiða vit tær víðari.

 

Í góðveðrinum herfyri fór 1. MIV á eina minni ekskursión til vátlendið Mýrarnar. Gingið varð runt um vatnið uppi á Mýrunum. À túrinum vóru eygleiðingar gjørdar av náttúruni. Sjálvt um tað varð tíðliga, so vóru fleiri fuglsløg sædd. Tilsamans 9 ymisk fuglasløg vóru skrásett við appini eBird.

Fleiri greinar...

  1. Kunningarkvøld í Miðnámi
  2. Søkja eftir alilærlingum
  3. Næmingar luttaka í náttúruverkætlan
  4. Bókaframløga "Fuglar okkara"