Røða hjá rektaranum Magnus Gaard til prógvhandanina á Miðnám í Vestmanna í dag.

Sjálvt um tey eru nøkur sum duga eins væl ella betur at rokna, enn tað sum tit hava lært á Miðnám í Vestmanna, so er tað eitt stríð fyri tey flestu, fari eg at loyva mær at gita. Tí hesi tølini, hvat eru tey í grundini fyri nakað. Vit hava súreplir, tummastokkar, skógvar og snúningar í eini gágguskel, men tøl ? Eru tey yvirhøvur til aðrastaðni enn í høvdinum á okkum sjálvum, tá ið vit royna at telja snúningarnar.

Mær dámdi í hvussu so er betri at hugsa um tølini enn at rokna uppá tey.

Ímyndi tykkum bara, at vit hava eitt tal fyri onki - eitt null. Ímyndið tykkum so eina støddfrøði uttan nullið. Tað undarligasta talið av øllum. Tað ber illa til ikki sannheit ?
Og júst sum holið í miðjuni á einum vanillukransi er týdningarmikið fyri at kunna vera ein vaniljukransur, er nullið krumtappurin í allari støddfrøði og kanska allari tilveruni sum hon er.

Og bæði tvey eru í sær sjálvum absolut onki. Eitt null, ella eitt hol.

Fyrsti næmingur, sum fekk húgvuna á Tilfeingisbreytini í ár, Marjun H. Niclassen, var til endaliga próvtøku í lívfrøði í dag.
Úrslitið hjá Marjun var sera gott, eins og til allar undanfarnar próvtøkur.

Mikudagin 9/6 fingu 23 ferðaleiðarar handað prógv á Miðnámi í Vestmanna.

Í allan vetur hava eru tey trúliga møtt í Vestmanna at læru um søgu, mentan, náttúru og framburð.

Hjartaliga tillukku øll somul .

Við skúlaárslok hevur 1. flokkur á Miðnámi í Vestmanna arbeitt við myndagreining í føroyskum, og vit hava verið ein túr ígjøgnum føroyska myndlistasøgu. Í hesum sambandi hava vit verið á vitjan á Listasavninum, har listfrøðingur vísti okkum runt og greiddi okkum frá listafólkum og verkum, ið vit hava arbeitt við.

Føroysk myndlist lýsir Føroyar og lívið her úr ymiskum sjónarhornum og er sera spennandi at arbeiða við.

Fleiri greinar...

  1. Jóhan liðugur
  2. Føroyskt lærari
  3. Tillukku SÍ
  4. Søk inn á Miðnám í Vestmanna