Fríggjadagin 25.09 skipaðu toymisbólkurin hjá 1. flokki fyri einari fiskikapping. Næmingarnir vóru bidnir um at hava tráðu við, og toymi skaffaði nakrar tráður eisini. Fiskikappingin byrjaði kl. 12:35, og tá sloppu næmingarnir út at fiska við kaiina við skúlan. Tey, sum ikki fiskaðu, vóru inni og bakaðu pannukøkur.

Fiskikappingin var liðug kl. 13:20, og tá vóru fiskarnir vigaðir. Páll og Ari fingu fyrsta plássi við 20,85 kilo av fiski, Jógvan Sigurd fekk annað plássið við 14,22 kilo av fiski og Helena fekk triðja plássið við 12,56 kilo av fiski. Bára og Ronja høvdu longsta fiskin, 82,5 cm. Hesi fingu øll vinningar. Síðani ótu øll pannukøkur og hugnaðu sær saman.

Avgjørt er, at nú er vandin at nøkur Coronasmitta fer at spjaða seg á Miðnám í Vestmanna so lítil, at fyrsti flokkur fer inn í vanligu skúlastovuna at fáa undirvísing frá næstu viku. 

Skúlin er framvegis býttur sundur í øki, fyri at flokkarnir blandast so lítið sum til ber!

Fleiri greinar...

  1. Prógvhandan 2020
  2. Havnartúrur við 1. flokki
  3. Útferð í Vágum
  4. Nýtt tilmæli frá myndugleikunum