13. juni 2025

Eyðbjørn fyrsta pisan í 2025

Nú byrja pisurnar at verða floygdar um alt landið.

Eyðbjørn Danielsen varð fyrsta pisan á Tilfeingisbreytini á Miðnámi í Vestmanna í ár. Í næstu viku fer hann við U21-hondbóltslandsliðnum til Póllands at spæla HM-endakapping.

Eftir at abbin hevði givið honum húgvuna á høvdið, var farið útum, har Eyðbjørn sum ársins fyrsta pisa fekk heiðurin at vinda Merkið á stong.

Vit ynskja Eyðbjørni hjartaliga til lukku við húgvuni og øllum hinum næmingunum allarbestu eydnu víðari við próvtøkunum.